Наталля Русецкая нарадзілася ў 1974 годзе ў Ніжагародскай вобласці ў Расіі. Скончыла філалагічны факультэт БДУ. Вучылася ў аспірантуры пры Люблінскім універсітэце імя Марыі Складоўскай-Кюры. Перакладае з польскай мовы паэзію і драматургію, даследуе паэтычную спадчыну Францішкі Уршулі Радзівіл. Яе вершы і пераклады друкаваліся ў газетах "Чырвоная змена", "ЛіМ", часопісах "Маладосць", "Крыніца", "Полымя", "Край", "Наша вера", "Дзеяслоў".